iphone Film Poster

Tere Naam-2003


 7.6 / 10

Directed by Satish Kaushik


Romance Drama


Box Office Hit


Bhumika Chawla's Bollywood Debut

Film ki कहानी


Ye kahaani hai Radhe ki, Radhe ko college chchode huey kahi saal hogye hai par wo naukri krne ki bajaiy apne dosto ke saath Awaara-gardi karne mai laga rehta hai aur iss baat se uskey Bhaiya aur Bhabhi pareshan rehte hai. Radhe ko ladki-chedne walo se sakht nafrat hai aur unko peetney se Radhe kabhi peeche nahi rehta. Radhe ko college mai ek ladki Nirjara bahut pyaari lagti hai, Itni ki woh apni saari galat aadatein chchod deta hai uske liye par Nirjara ki shaadi Rameshar se teh ho chuki hai. Nirjara Radhe ko gunda mawali samajh-ti hai. Ek din Rameshwar hi Nirjara ko Radhe ki achchaiya batata hai aur ye bhi ki wo Nirjara se beintihaan mohabbat karta hai. Nirjara ke mann mai Radhe keliye thodi izzat paida hoti hai. Ussi din Radhe Nirjara ko kidnap karke pyar ke pagalpan mai Ussey apne dil ki baat bataata hai, Radhe ke pagalpan ke pichey uska pyaar Nirjara ko dikh jaata hai. Radhe saatve aasmaan par hai ki tabhi uske dushmano ke bhejey huey gundey ussey itni buri tarah maartey hai Radhe apni yaad-daasht kho bait-tha hai. Radhe ke pariwar-wale ussey theek karne keliye Treatment Centre bhejdetey hai. Nirjara Radhe ke intezaar mai hi jee rahi hai. Kuch din baad Radhe Centre se bhaagkar Nirjara ke ghar pahuchkar paata hai Nirjara ka mrit sharir. Radhe bina kuch kahe waha se dur jaane lagta hai. Aisa lagta hai ki maano umeed ki aakhri kiran bhi bhuj gayi ho...

Film ke कलाकार

Salman Khan( Radhe ) , Bhumika Chawla( Nirjara ) , Sachin Khedekar( Radhe's brother ) , Savita Prabhune( Bhabhi ) , Ravi Kishen( Rameshwar ) , Sarfaraz Khan( Aslam ) , Mahima Chaudhry( Cameo ) , Saurabh Dubey( Bhramin ) , Gopal Dutt( Radhe's Friend )

Honest Review



Pyaar kitna suhaana hota hai aur Pyaar ke beraham khel dono iss film mai bakhoobi dikhaye gaye hai. Radhe se pyaar hojaaega aapko aur uspe taras bhi bharpoor aaega. Salman ne BREATH-TAKING abhinay kiya hai, Chumbak ki tarah ye film aapko chipkaa ke rakhegi. Ye film aapke dil mai ek khaas jagah bana legi. ISS FILM KO DEKHNE KE BAAD AAP ZAROOR SALMAN KE FAN HOJAAENGEY !!!

THANK YOU FOR GIVING YOUR TIME



Gif Credits to Giphy.com