iphone Film Poster

Dilwale Dulhaniya le jayenge-1995


 9.5 / 10

Directed by Aditya Chopra


Romance Comedy


Blockbuster


Longest Running film in Hindi Cinema

Film ki कहानी


Baldev Singh apni biwi Laajo aur betiyon Simran aur Chutki ke saath London mai rehta hai aur ek Departmental Store ka maalik hai. Baldev aksar apne watan ko yaad karta hai. Ek din Baldev ko apne dost Ajit ki chitthi milti hai aur Baldev apne ghar Punjab jaake Ajit ke bete Manjeet se Simran ki shaadi karwane ka mann bana leta hai. Simran jataati nahi hai par mann hi mann vo apne sapno ke raajkumar se hi shaadi karna chaahti hai naa ki kisi ajnabi ke saath. Raj ek ameer baap ka bighda hua ladka hai aur Baldev ke store pahuchke badhtameezi krta hai. Baldev gussey mai badhbadhata hua ghar pahuchta hai. Simran apne dosto ke saath Europe ghoomna chaahti hai par apne Babuji ka gussa thanda hone ka intezaar krti hai aur subah unhe manaake Europe trip ki ( anumati )permission leleti hai .Train mai Simran ki mulakaat Raj se hoti hai. Simran ki apni galti se vaapis jaane wali train chchoot jaati hai aur ab vo Raj ke saath fas chuki hai par Raj se baat-cheeth karke usey pata chalta hai ki Raj bilkul waisa nahi hai jaisa usey pehle mulakaat ke waqt laga tha. Koi izhaar nahi hota par dono Raj aur Simran ek doosre se mann hi mann pyar krne lagte hai. Simran Raj ka zikr ghar pahuchke apni maa se karti hai, Baldev ye sab sun rahah hota hai aur gussey mai jaldi India nikalne ka faisla karta hai. Simran Punjab pahuchti hai , shaadi ki taiyaariya zoro-shoro se chal rahi hoti hai. Simran ko Manjeet bilkul pasand nahi aata hai. Raj waha pahuchkar dheere-dheere sabka mann jeet leta hai. Simran aur Raj ko chupke-chupke milna padh raha hai. Baldev aur Ajit ke parivar ko Raj ki sachchai pata chalti hai aur Baldev Raj ko beizzat krke nikaal deta hai ,tabhi Simran sabke saamne Raj ko gale lagaake apne pyaar ka izhaar krti hai. Raj bina Baldev ki anumati ke Simran ko nahi apnaega. Raj wapas jaane ke liye railway station pahuchta hai jaha Manjeet aur uske gundey Raj ko peetney keliye khade hai. Raj ladai krtey hue Manjeet ko goli maarne hi wala hota hai ki tabhi Baldev usey rok leta hai. Raj Simran se dur jaata hua dukhi ho raha hai ki tabhi Baldev Simran ko uskey Raj ke saath jaane ki anumati dedeta hai. Simran daudti hui train pe chadhkr Raj ko gale laga leti hai. Baldev aur Laajo ki aankhon mai khushi ke aansoo hai .

Film ke कलाकार

Shahrukh Khan( Raj ) , Kajol( Simran ) , Amrish Puri( Baldev Singh ) , Farida Jalal( Laajwanti ) , Satish Shah( Ajit Singh ) , Achala Sachdev( Simran's daadi ) , Himani Shivpuri( Kammo ) , Pooja Ruparel( Chutki ) , Parmeet Sethi( Manjeet ) , Anupam Kher( Raj's father ) , Mandira Bedi( Preeti ) , Anaita Shroff( Sheena ) , Karan Johar( Raj's friend )

Honest Review



Ye film Hindi Cinema ki sabse behetereen Romantic comedy hai . Chartbuster gaaney , pyar ki Khoobsurat daasta, Europe ki dilkash locations . Issey zyada kuch maanga nahi jaa sakta hai. Kam shabdo mai kahe toh " Ye ultimate love story hai ". 100% definitely recommended. Apne chaheetoh ke saath baith kar iss film ka aanand zaroor lein.

THANK YOU FOR GIVING YOUR TIME



Gif Credits to Giphy.com